Nursultan Nazarbaev Saýd Arabııasynyń Koroli Salman ben Ábdel Ázız Ál Saýdpen telefon arqyly sóılesti.
Memleketter basshylary áńgimelesý barysynda eki jaqty saýda-ekonomıkalyq jáne ınvestısııalyq yntymaqtastyqty odan ári nyǵaıtýǵa jáne keńeıtýge múddeli ekenin tanytty.
Atap aıtqanda, atom jáne balamaly energetıka salasyndaǵy, sondaı-aq Qazaqstanda munaı men gazdy qaıta óńdeý jónindegi birlesken jobalardy iske asyrýdyń mańyzdylyǵyna nazar aýdaryldy.
Sonymen qatar, taraptar álemdik munaı naryǵyndaǵy ózekti máseleler jóninde pikir almasyp, munaı eksporttaýshy elder róliniń mańyzdy ekenin atap ótti.
Eki el basshylary ózara sapar jasaý tájirıbesin jalǵastyrý jóninde ýaǵdalasty.
Telefon arqyly sóılesýge Saýd Arabııasy jaǵy bastamashy boldy.